منتديات نادي الشرطة السوري

منتدي يجمع محبي نادي الشرطة السوري وكافةالمشجعين من مختلف الاندية.


    16 أغنية رياضية خاصة لجمبع انديتنا

    شاطر

    ميدو

    عدد المساهمات : 107
    تاريخ التسجيل : 16/10/2009

    16 أغنية رياضية خاصة لجمبع انديتنا

    مُساهمة  ميدو في السبت ديسمبر 05, 2009 6:52 pm



    16أغنية رياضية.. إنجاز رياضي تاريخي لإذاعة سورية الغد

    منذ عام 1966 وحتى الآن ظهرت أغنيتان رياضيتان هما كول كول فيها كول، كول لسورية كول لفنان الشعب رفيق السبيعي »أطال الله في عمره« ودقوا على الخشب يا حبايب دقوا عالخشب للفنان عصمت رشيد، ولازال شعبنا يغنيهما في كل المناسبات الرياضية والكروية منها بشكل خاص، وكي لا نجافي الواقع كانت هناك أغنية إذاعية للفنان ريبر وحيد في أواخر الثمانينيات ساعدته ودعمته يومها لإنجازها ثم ضاعت في أرشيف إذاعتنا وكانت شاملة للأندية السورية آنذاك. الآن وبكل الاعتزاز تقدم إذاعة سورية الغد إنجازاً لم يسبقها إليه أحد، لابل لم يفكر به أحد.. إنه أغنية للمنتخب وأخرى شاملة لفرق الدوري و»14« أغنية لفرق دوري المحترفين الـ»14« وإليكم التفاصيل.
    ؟ في البداية كانت الفكرة منصبة على أغنية المنتخب الوطني والأغنية الشاملة للأندية، ثم توسعت الفكرة لتشمل أندية المقدمة الأربعة في تصنيف الموسم قبل الماضي (الكرامة والاتحاد والجيش والمجد).. وبعدها استجابة لرغبة جماهير الأندية ومستمعي سورية الغد أخذنا عهداً على أنفسنا أن تكون هناك أغنية لكل أندية دوري المحترفين، فأنجزنا بعد الأغاني الأربع ثلاث أغانٍ للطليعة وتشرين والوحدة، وقد وضعنا مقاطع فيها في برنامج سمعني فوتبول أمس، وأنجزنا كلمات بقية الأندية، وهي الوثبة والشرطة والطليعة والنواعير وعفرين والجزيرة وأمية، وهي قيد التلحين والتدريب الآن من طاقم العمل وبصوت المطرب نور شاكر، وستنجز تباعاً في أسرع وقت، وعندها يكتمل ألبوم الأندية الـ(14) ووعداً منا لجمهور أندية الفتوة وحطين والحرية سننجز لها أغانيها أيضاً لأنها بمصاف أندية المحترفين، ونرجو التوفيق فيما نقوم به، ونأمل من جمهورنا الصبر قليلاً لإنجاز الألبوم كاملاً وإطلاقه باحتفال رسمي إن شاء الله، وإليكم الآن كلمات أغاني الأندية الـ(14) مع رجاء إبداء الرأي إذا كان هنالك أي ملاحظة على كلماتها للأفضل..
    أغنية الكرامة
    وعدوا من الواحد للمية واحد تنين تلات ميه
    وحيّوها لحمص العدية
    كرامة على خدها شامه من عين الحسود محمية
    كرامة كرامة كرامة كرامة
    من عين الحسود محمية
    نالوا إعجاب الملايين رجال الكرامة الحلوين
    هي هي كرامة
    بأخلاقو نبل الفرسان كرامة شمس مضواية
    كرامة على خدها شامة من عين الحسود محمية
    كرامة..
    كرامة مصنع الأبطال راية ترفرف فوق جبال
    هي هي هي هي
    هن المكسب والرسمال وحمص هدية ربانية
    وحمص هدية ربانية
    عدوا من الواحد للمية
    بالدنيا إلهم بصمات بكل الأزمات
    هي هي
    نصرن مو كلمة وإشاعات فوزهن بالنكهة السورية
    وعدو من الواحد للمية
    كرامة




    أغنية المجد
    يا أهل الحمية.. هي
    وحيوا معي المجداوية وحيوا معي المجداوية
    وغنوا لو أحلى غناني
    مجداوية خود وهات وسدد لي كل الضربات
    وغنوا للمجداوية ياسمين الفيحاء الشامية
    مجداوية مجداوية مجداوية
    أهل الشام ومجد الشام نسمة عشفاف الأيام
    وياسمينة عجين النصر ويبقى فريق الأحلام
    أهل الشام ومجد الشام
    مجداوية مجداوية مجداوية
    مجد وتاريخك أمجاد جمهورك بمحبة زاد
    وعجبينك اسم الفيحاء منعزفلك أحلى الألحان
    مجداوية
    شد الهمة وجيب الكاس زراع الفرحة بألب الناس
    يامجد بترفع الراس بنصرك وتحاكي الأيام
    أهل الشام
    مجداوية
    هات الكول وجيب الثاني وباسمك منغني غناني
    المجد الأول ما هو تاني وشامة على خدك يا شام
    مجد الشام
    بسمة
    أهل الشام ومجد الشام
    ياسمينة وتبقى
    المجد المجد المجد المجد انجد المجد وأهل المجد




    أغنية الوحدة
    تفاح الشام وياسمينا بغوطتها غنوأشعار
    والوحدة برتقال الشام بيكفي باقي المشوار
    تفاح الشام وياسمينا
    نادي الوحدة هالحلوين بتاريخون كتبو السنين
    بكل بطولة موجودين وشمس الوحدة ما بتنطال
    تفاح الشام وياسمينا
    ولاد الفيحا الله عليهن كتبوا الأمجاد بأيديهن
    الوحدة رح يبقى ناديهم مهما كان ومهما صار
    تفاح الشام وياسمينا
    كلمة حق اللي قلناها حبينا الشام عشقناها
    وحدتنا الله يرعاها وبتبقى عمرانة الدار
    تفاح الشام وياسمينا




    أغنية الجزيرة
    الشمس بتحلى لما بتطلع تمرق فوق الجزيرة
    بتبعت تحية من القلب هدية لنادي الجزيرة
    الشمس بتحلى لما بتطلع
    الفرات وهن عنوانو بأهدافن رسموا ألوانو
    رجال الملعب مع فرسانو هن رجال الجزيرة
    الشمس بتحلى لما بتطلع
    بيلبقلن القلوب تشيلن ونحنا بجدارة نغنيلن
    ونرسم بوسه على مناديلن بوسة المحب كبيرة

    الشمس بتحلى لما بتطلع





    أغنية الوثبة
    مهما عشنا ومهما شفنا متل الوثبة ما منشوف
    حمص رجالا كلهن همة كل واحد بيساوي ألوف
    ولا واحد فيهم بيمل بسحر فنونون سحرو الكل
    نادي الوثبة لما يطل الكفوف تلاقي الكفوف
    مهما عشنا ومهما شفنا متل الوثبة ما منشوف
    الوثبة رجالو موجودين بالملعب شو موهوبين
    حمص وجماهير المحبوبه للوثبة بينصفو صفوف
    مهما عشنا ومهما شفنا متل الوثبة ما منشوف
    لا عم نحكي ولا عم نحلم من الوثبة ياما منتعلم
    وباسم الوثبة منترنم ومنزف رجالو بدفوف
    مهما عشنا ومهما شفنا متل الوثبة ما منشوف




    أغنية عفرين
    ؟ من طيبة زيت الزيتون عفرين بيرسم مشوارو
    كبرت آمالن بالدوري بعد اللي عرفو أسرارو
    من طيبة زيت الزيتون عفرين بيرسم مشوارو
    عشقن زاد للأرض الخضرا وهي صبيه بأول عمره
    حبوا النصر وعشقوا الشهرة وكتبوا عن عشقن أخبارو
    من طيبة زيت الزيتون عفرين بيرسم مشوارو
    بالملعب صارو أعجوبة ألعابن كلا محسوبة
    البطولة إلهن مطلوبة ولدروبا هن اللي اختارو
    من طيبة زيت الزيتون عفرين بيرسم مشوارو
    ع الأرض الخضرا قصتهن كتبوها وهي تفطنهن
    نسور وع جناح محبتهن ومحبة عشاقن طارو
    من طيبة زيت الزيتون عفرين بيرسم مشوارو




    أغنية أمية
    من طهر غصن الزيتون أمية تربت أخلاقو
    يا إدلب يا نور العيون أحباب اللي ياما اشتاقو
    من طهر غصن الزيتون أمية تربت أخلاقو
    نرقص بالسيف والترس ولأمية رح نعمل عرس
    رح نسهر سهرة رياضية والدوري بتخضر وراقو
    من طهر غصن الزيتون أمية تربت أخلاقو
    نعد من الواحد للألف ومشاوير منمشيها صف
    ياما قالو أهل العرف أمية بالدنيا عشاقو
    من طهر غصن الزيتون أمية تربت أخلاقو
    أمية رجالو كدعان أروع من زهر الرمان
    رح يبقى طول الأزمان عسل ونيال اللي داقو
    من طهر غصن الزيتون أمية تربت أخلاقو




    أغنية الشرطة
    رجال الشرطة أمن وأمان رجال بالملعب والميدان
    ديماً قد المسؤولية بالرياضة وبكل مكان
    رجال الشرطة أمن وأمان
    لما بضحو هن أهلا وبالملعب طبعاً ولا أحلا
    الرجولة فيهن تتجلا بأفعالن عدلوا الميزان
    رجال الشرطة أمن وأمان
    أمن الوطن بيبقى الغاية وأهدافن تبقى محلاية
    بأرض الملعب رفعوا الراية الشرطة بيخرج فرسان
    رجال الشرطة أمن وأمان
    الشرطة بالدوري والكاس جماهيرو مرفوعة الرأس
    غايتهن خدمة هالناس للقلب بيبقوا العنوان
    رجال الشرطة أمن وأمان




    أغنية تشرين
    رجال البحر رجال البر دوم هبّتهن بالعالي
    وعروس الساحل حلوتنا مهري بيضلو غالي
    وعرسا نادي تشرين كل رجالو جبارين
    صنعوا أحلام الملايين وقمرن ضو الليالي
    رجال البحر رجال البر
    ع رملات البحر تربّوا وتشرين القلوب تحبو
    تحدوا الصعب ومشيوا بدربو فرسان خيولن حلوين
    رجال البحر رجال البر
    زرعوا البمسة ع موج البر لعباتن أحلى من السحر
    تشرين بكل طلة فجر واسمو بالعالي يلالي

    رجال البحر رجال البر





    أغنية الأهلي
    آهلي آهلي آهلي آهلي
    آهلي آهلي آهلي آهلي
    أهلاوية أهلاوية أهلاوية أهلاوية
    وزرعوا الفرحة بألب الشهبا رجال الأهلي أهل الراية
    والألعه بترقص فرحانه وإيدو بالنصر محناية
    ألعه وفرحة بقلب الشمس رجال الأهلي أهل الراية
    والألعه بترقص فرحانه وإيدو بالنصر محناية
    رجال الأهلي فن ولعب وبالشهبا ذاعوا الأخبار
    كبار وراح بيضلوا كبار شعلة أمجاد مضواية
    أهلاوية أهلاوية
    فرحة عنا ربيعا أحمر وعلى نصرك يا أهلي بتكبر
    والأهلي بمحبة بيعمر وألعتنا هيه محلاية
    رجال الأهلي فن ولعب وبالشهباء ذاعوا الأخبار
    كبار وراح بيضلوا كبار وشعلة أمجاد مضواية
    أهلي أهلي أهلي أهلي




    أغنية الجيش
    هو كبير وفنو كبير بينزل عل الملعب بتمختر
    نادي الجيش العربي السوري هرم وبالنصر
    بالنصر يحقق آمالو فنونو وجماهيرو رسمالو
    باسم الجيش تغنوا وأولو عن حبو ماراح نتغير
    رجال بالملعب هل الفرسان
    وسياجهم بيحمي الأوطان
    راح يبقى على طول الزمان
    البطل اللي بعمروا ما بيخسر
    هو كبير
    نادي الجيش
    الله يحمي الجيش الغالي وتبقى راياتو بالعالي
    نادي هل الجيش بألب الشام
    الألب اللي بمحبة بيسهر
    هو كبير
    نادي الجيش




    أغنية الطليعة
    بيلبقلن فرسان العاصي نعشقهن ديما على طول
    طليعة على عيني وراسي تاج وبالدهب المشغول
    أبي الفدا يا حبي الأبدي والطليعة فرسان وتحدي
    ويانجوم البلعالي عدي الدنيا عنهن شو بتقول
    بيلبقلن فرسان العاصي نعشقهن ديما على طول
    الطليعة حديقة الورود فنونن أبداً مالا حدود
    الملايين بحبن بتجود للبطولة هن حلول
    بيلبقلن فرسان العاصي نعشقهن ديماً على طول
    وحماة بعيونا بتشيلن من قلبا وشعبا بتدعيلن

    ع طبول الفرحة تغنيلن


    وتخضر بعشقن السهول





    أغنية جبلة
    نوارس بأرض الملعب مواج البحر بيشبهونا
    نحنا جبلة اسما الله علينا كل الناس بيحبونا
    جبلة يا ورد وياسمين بنصرك بتحاكي السنين
    نسعد كل اللي يحبونا
    من جبلة بعتنا أخبار بأمواج البحر الدوار
    رح منجيب الانتصار للجماهير يلي استنونا
    نوارس بأرض الملعب مواج البحر بيشبهونا
    جبلة وزكريا تونور بالملعب إعصار يدور
    لو عدينا السبع بحور عن جبلة مارح يغنونا
    نوارس بأرض الملعب مواج البحر يشبهونا



    أغنية النواعير
    العاصي يغازل للناعورة يهمس باسم النواعير
    ويقلا رجال ومنحبن وحبن بالقلوب كبير
    العاصي يغازل للناعورة
    وناعورة تحاكي ناعورة وتقلا لعبن أسطورة
    بالملعب ترسملن صورة وريشتها ألوان حرير
    العاصي يغازل للناعورة
    بألعابن تحلى الأهداف ونحملهن فوق الأكتاف
    كل مين وكل مين شاف بيحلف منكن ما بيصير
    العاصي يغازل للناعورة
    النواعير ولعبن ع أصولو النواعير وما شاء الله حولن
    رجال بصولو وبيجولو بجولاتن تحلى المشاوير
    العاصي يغازل للناعورة
    avatar
    عبود

    عدد المساهمات : 60
    تاريخ التسجيل : 03/10/2009
    العمر : 24

    رد: 16 أغنية رياضية خاصة لجمبع انديتنا

    مُساهمة  عبود في السبت ديسمبر 12, 2009 8:03 pm

    مشكور اخي ميدو

    ميدو

    عدد المساهمات : 107
    تاريخ التسجيل : 16/10/2009

    رد: 16 أغنية رياضية خاصة لجمبع انديتنا

    مُساهمة  ميدو في السبت ديسمبر 19, 2009 2:23 am

    شكرا لمرورك عبود

      الوقت/التاريخ الآن هو الخميس أغسطس 17, 2017 11:37 pm